Drejtoria kryesore e inteligjencës e Ministrisë së Mbrojtjes të Ukrainë, ka bërë me dije se trupat ruse po refuzojnë gjithnjë e më shumë të marrin pjesë në luftime në Ukrainë.
Në një postim në shërbimin e mesazheve Telegram, thuhet se disa njësi të Regjimentit të 70-të të Motorizuar të Gardës kanë refuzuar haptazi të marrin pjesë në luftë dhe kanë kërkuar që ata të kthehen në zonat ku janë vendosur normalisht.
“Komandantët e njësisë po bëjnë çdo përpjekje për të fshehur rastet e mosbindjes,me ushtarakët më jo bashkëpunues “të dërguar në zonën më të rrezikshme të vijës së parë me shpresën se do të vriteshin shpejt”, thotë drejtoria, raporton BBC.
Agjencia thotë se Shërbimi Federal i Sigurisë Ruse ka vendosur të depërtojë në njësitë e regjimentit me “agjentë dhe informatorë”.
