Një “Libër i torturuesve” që dokumenton “kriminelët e luftës do të publikohet në Ukrainë, tha Presidenti Volodymyr Zelensky gjatë fjalimit të tij të natës të martën, sipas CNN.
“Këto janë fakte specifike për njerëz të veçantë që janë fajtorë për krime specifike të dhunshme kundër ukrainasve,” tha ai.
“Dhe një “Libër i torturuesve” i tillë është një nga themelet e përgjegjësisë jo vetëm të autorëve të krimeve të luftës – ushtarëve të ushtrisë okupuese, por edhe komandantëve të tyre.
Ata që jepnin urdhra. Ata që bënë të mundur gjithçka që ndodhi në Ukrainë. Në Bucha, në Mariupol, në të gjitha qytetet tona, në të gjitha komunitetet.”
Krijimi i këtij sistemi është duke u zhvilluar prej disa kohësh, shtoi Zelensky.
Muajin e kaluar, një ushtar rus 21-vjeçar u dënua me burgim të përjetshëm për vrasjen e një njeriu të paarmatosur në gjyqin e parë të Ukrainës për krimet e luftës që nga fillimi i pushtimit rus. Gjyqi erdhi mes provave në rritje të krimeve të dyshuara ruse të luftës, ndërsa ukrainasit rifituan zonat e pushtuara më parë nga trupat pushtuese.
Në prill, prokurorja e përgjithshme e Ukrainës tha se zyra e saj po hetonte rreth 6,000 raste të krimeve të dyshuara të luftës ruse. Rusia ka mohuar akuzat për krime lufte dhe pretendon se forcat e saj nuk synojnë civilët.abcnews.al
