Një jaht rus me vlerë 325 milionë dollarë, me pishinë dhe helipad është duke lundruar tashmë drejt ujerave të Hawaii, ndërsa mban në kabinë një flamur amerikan, me një ekuipazh krejtësisht të ri, pas pronari i tij, një oligark i lidhur me Kremlinin, u përpoq të maskonte pronësinë e tij.
Amadea 106 metra, mbërriti në Fixhi më 13 prill pas një udhëtimi 18-ditor nga Meksika. Ai u sekuestrua nga autoritetet e Fixhit pasi Gjykata e Lartë e vendit dha një urdhër të SHBA muajin e kaluar që dëshmonte lidhjen e miliarderit dhe oligarkun rus të sanksionuar, Suleiman Kerimov.
FBI ka thënë se anija luksoze prej 325 milionë dollarësh kishte kosto funksionimi prej 25 deri në 30 milionë dollarë në vit dhe SHBA do të paguante për mirëmbajtjen e anijes pas kapjes së saj.
Taskforca KleptoCapture e Departamentit të Drejtësisë së SHBA-së është fokusuar në sekuestrimin e jahteve dhe aseteve të tjera luksoze të oligarkëve rusë në një përpjekje për të ushtruar presion ndaj Presidentit rus Vladimir Putin për luftën në Ukrainë.
Anthony Coley, një zëdhënës i Departamentit të Drejtësisë së SHBA-së, postoi në Twitter më 7 qershor se Amadea ishte nisur për në Shtetet e Bashkuara “pasi ishte sekuestruar si produkt i evazionit kriminal të sanksioneve amerikane kundër oligarkut rus Suleyman Kerimov”.
“Shtetet e Bashkuara janë thellësisht mirënjohëse ndaj policisë dhe prokurorëve të Fixhisë, këmbëngulja dhe përkushtimi i të cilëve ndaj sundimit të ligjit e bënë të mundur këtë veprim”, shkroi ai më vonë në Twitter.
Jahti i ridekoruar u pa për herë të fundit rreth 160 milje nga bregu i Haëait, sipas një gjurmuesi në faqen e internetit të Spire Maritime. Në total, anija luksoze ka lundruar më shumë se 3000 milje nga Fixhi, që ndodhet në Oqeanin Paqësor Jugor.
Mbetet e panjohur se çfarë planifikon të bëjë më pas qeveria amerikane me jahtin sapo të mbërrijë në brigjet amerikane.
Avokatët, të cilët pretenduan se përfaqësonin pronarin e jahtit, thanë se anija i përkiste miliarderit rus Eduardo Khudainatov, i cili aktualisht nuk është nën sanksionet e SHBA.bw.
