Ukraina po humbet 170 milionë dollarë çdo ditë kur shkëputet nga deti, ka thënë kryeministri i vendit, Denys Shmyhal. Sipas tij kapaciteti kombëtar i eksportit në Ukrainë ishte më shumë se përgjysmuar.
“Nëntëdhjetë milionë tonë prodhime bujqësore, të cilat Ukraina planifikoi të eksportonte në vendet e Azisë, Afrikës dhe Evropës, janë bllokuar”, tha Shmyhal, duke folur në qytetin jugor të Odesa-s së bashku me presidentin e Këshillit Evropian, Charles Michel.
SHBA tha të hënën se do të pezullojë tarifat për çelikun ukrainas për një vit, duke përmendur dëmin që lufta i ka shkaktuar industrisë.
Në vitin 2018, presidenti i atëhershëm i SHBA-së, Donald Trump, vendosi një tarifë prej 25% për importet e çelikut nga vende duke përfshirë Ukrainën.
SHBA ranë dakord të lehtësojnë tarifat e kohës së Trump për dërgesat e çelikut dhe aluminit në Mbretërinë e Bashkuar në mars.
Kjo pasoi marrëveshjet e mëparshme me Bashkimin Evropian dhe Japoninë mbi taksat e diskutueshme.A2CNN
