Autoritetet ukrainase kanë deklaruar se do të ndalojnë rrjedhën e gazit natyror përmes një pike tranziti, e cila dërgon sipas tyre, pothuajse një të tretën e karburantit që Rusia furnizon në Evropë.
Kievi fajëson Moskën për lëvizjen, duke thënë se do të zhvendoste flukset diku tjetër.
Edhe pasi Rusia pushtoi Ukrainën në shkurt, ajo ka mbetur një rrugë kryesore tranziti për gazin rus në Evropë.
Megjithatë, trupat ruse kanë marrë gazin që kalonte përmes Ukrainës dhe e dërgojnë atë në zonat separatiste të mbështetura nga Rusia në rajonin lindor të Donbasit të vendit, tha shefi i operatorit të rrjetit të gazit të Ukrainës GTSOU për agjencinë e lajmeve Reuters, pa dhënë prova.
GTSOU thotë se do të ndalojë dërgesat përmes rrugës Sokhranivka nga sot.
Kjo vjen pasi deklaroi një të ashtuquajtur forcë madhore, një klauzolë që thirret kur një biznes ndikohet nga diçka që është jashtë kontrollit të tij.
Gjiganti shtetëror rus i energjisë Gazprom tha se kishte marrë njoftim nga Ukraina se do të ndalonte tranzitin e gazit në Evropë përmes interkonjeksionit Sokhranivka nga ora 07:00 me orën lokale të mërkurën.
Megjithatë, Gazprom, i cili ka një monopol mbi eksportet e gazit rus, thotë se është “teknologjikisht e pamundur” që të zhvendosen të gjitha vëllimet në pikën e ndërlidhjes Sudzha.
Gazprom shtoi se po përmbush të gjitha detyrimet e saj ndaj blerësve të gazit në Evropë.
Shtetet e Bashkuara u kanë bërë thirrje vendeve që të frenojnë varësinë e tyre nga energjia ruse dhe kanë ndaluar importet e naftës ruse dhe të tjera të energjisë në shenjë hakmarrjeje për pushtimin e Ukrainës.
Njoftimi i së martës nuk e ndryshon afatin kohor për të pakësuar varësinë globale nga nafta ruse “sa më shpejt të jetë e mundur”, tha zëdhënësi i Departamentit të Shtetit të SHBA Ned Price.BalkanWeb
