‘Krenaria mposhti mallin për të birin’, Krasniqi për nënën e Veselit: Ishte grua e fortë e bujare!

Kryetari i Partisë Demokratike të Kosovës, Memli Krasniqi, shprehet i pikëlluar për vdekjen e nënës së Kadri Veselit, Ajshe Veselit.

Ai shpreh ngushëllime të sinqerta familjes Veseli në emër e tij, por edhe të të gjithë anëtarësisë së PDK.

Krasniqi ka shkruar në Facebook se “Nëna Ajshe ishte grua e fortë e bujare, nënë e një heroi të gjallë, që i rriti e i edukoi bijtë e saj në frymën e atdhedashurisë”.

Për më tepër, ai me plotë dhembje, shkruan se si nën Ajshja, mbylli sytë  pa e pasur djalin Kadriun afër.

“Një jetë e tërë me sakrifica, pa kursyer asgjë nga vetja, ku krenaria mposhti mallin për të birin, që në çdo etapë i shërbeu Kosovës. E tillë ishte jeta e nënës Ajshe, e cila i mbylli sytë pa e pasur pranë djalin e saj, Kadriun”, ka shkruar Krasniqi në Facebook.

Postimi i plotë:

Në këtë fillimvit, me dhembje të madhe morëm lajmin për vdekjen e nënës së ish-kryetarit Kadri Veseli, nënës Ajshe.

Nëna Ajshe ishte grua e fortë e bujare, nënë e një heroi të gjallë, që i rriti e i edukoi bijtë e saj në frymën e atdhedashurisë. Një jetë e tërë me sakrifica, pa kursyer asgjë nga vetja, ku krenaria mposhti mallin për të birin, që në çdo etapë i shërbeu Kosovës. E tillë ishte jeta e nënës Ajshe, e cila i mbylli sytë pa e pasur pranë djalin e saj, Kadriun.

Unë dhe gjithë Partia Demokratike e Kosovës sot i bashkohemi dhembjes së familjes Veseli dhe u shprehim ngushëllimet më të sinqerta.

Shpirti i nënës Ajshe u prehtë në paqe!