Presidentja Vjosa Osmani e ka përgëzuar Organizatën e Bashkëpunimit Islamik për nxjerrjen e një rezolute ku bëhet thirrje për njohjen e pavarësisë së Kosovës nga shtete anëtare që ende s’e kanë bërë këtë.
“E përgëzoj Organizatës së Bashkëpunimit Islamik (OIC) për rezolutën që u bën thirrje anëtarëve që ende nuk e kanë njohur pavarësinë e pakthyeshme të Republikës së Kosovës ta bëjnë këtë dhe të mbështesin anëtarësimet e Kosovës në organizatat ndërkombëtare”, ka shkruar Osmani në Twitter.
Osmani ka shkruar se mezi pret të punojë me shtetet anëtare për t’i thelluar marrëdhëniet.
Në rezolutën që e ka publikuar Osmani kërkohet nga shtetet mosnjohëse që ta konsiderojnë njohjen e pavarësisë së Kosovës “bazuar në të drejtat e tyre të lira dhe sovrane e gjithashtu edhe në praktikat kombëtare”.
Në rezolutë gjithashtu mirëpriten përpjekjet e Bashkimit Europian për të avancuar perspektivën europiane të Kosovës, derisa mbështetet dialogu Kosovë-Serbi. Po ashtu, OIC mirëpret bashkëpunimin ekonomik të Kosovës me shtetet anëtare.
Organizata, me seli në Arabinë Saudite, është e dyta organizatë ndërqeveritare më e madhja pas Kombeve të Bashkuara, me 57 shtete anëtare.
I welcome &commend the @OIC_OCI resolution calling on members that are yet to recognize the irreversible independence of the Republic of Kosovo to do so, & supporting 🇽🇰 memberships to intl’ organisations.
We look forward to working with member states to foster closer relations. pic.twitter.com/u69pDOvg98
— Vjosa Osmani (@VjosaOsmaniPRKS) April 5, 2022
