UEFA po përgatit një turne të ri. Organizata më e madhe futbollistike në Europë është gjithmonë në kërkim të risive dhe duket se ka diçka në kokë.
Sipas asaj që shkruajnë medie të ndryshme, po mendohet krijimi i një turneu të ri, që do merrte jetë në vitin 2024. Bëhet fjalë për një kompeticion ku do merrnin pjesë 4 skuadra.
Njëra prej tyre parashikohet të jetë fituesja e Uefa Champions League, sakaq 3 ekipet e tjera mund të jenë ato që kanë qenë më të suksesshmet. Në këtë mënyrë, UEFA do t’i jepte edhe më shumë vlerë luftës për vendet e para në kampionat.
Për momentin gjithçka është në kuadrin e një ideje, por situata mund të ndryshojë nga momenti në moment. UEFA ka ditur gjithmonë të surprizojë dhe Final Four mund të jetë një risi e…bukur.
