Rafael Nadal ka demonstruar edhe njëherë pse është lojtari më i mirë në historinë e French Open, pasi që ka mposhtur rivalin e tij të vjetër Novak Gjokoviq pas katër orë ndeshje për të arritur në gjysmëfinale.
Nadal do të synon titullin e 14 në këtë turne, e filloi mirë këtë ndeshje dhe luftoi me tërë forcat për ta mposhtur kampionin në fuqi, serbin Gjokovic me rezultat 6-2, 4-6, 6-2, 7-6, (7-4) në Roland Garros.
Nadal e siguroi fitoren në orën 1:16 të mëngjesit të ditës së mërkurë pas katër orë ndeshje.
Fituesi i 21 Grand Slamave tani do të përballët me vendin e tretë në botë, Alexander Zverev të premten.
Gjermani Zverev (25) arriti gjysmëfinale për herë të dytë këtë vit pasi shpëtoi nga eliminimi i sensacionit të këtij turneu, tinejxherit Carlos Alcaraz, të cilin e mposhti më herët të martën.
“Të fitosh kundër Novakut ka vetëm një mënyrë: të bësh lojën më të mirë nga fillimi në fund”, tha Nadal, i cili falënderoi fansat që ishin në Xhatrier për “dashurinë” që treguan për të.
“Kjo është njëra prej atyre netëve magjike për mua”.
Fitorja për Nadal ishte një hakmarrja për humbjen në gjysmëfinale të vitit të kaluar nga Gjokovic për të arritur një rekord të tij personal në Roland Garros më 110 fitore në 113 ndeshje.
